الصفحة الرئيسية › متفرّقات

متفرّقات كيفية تحضير حلو العيد: كعك العنبر والمقروض والغريبة

توة بدينا الجماعة الكل انخممو على حلو العيد ...وليوم اخترنالكم بعض الحلويات ...تنجمو تختارو منها ....
كعك العنبر
250غ لوز مرحي + 100 غ سكر محور يترحاو مع بعضهم و يتغربلو بش يكون أرطب ما
يمكن، نزيدوه أبيض بيضة دوب ما تركضوها بالشوكة + شوية من روح العنبر النكهة الي يتميز بيها الكعك هذا.
يتخلط الكل مليح. تسخن الفرن 180°، تفصل الكعك ، تزينو بالفسدق، ترصفو على طبق مرشوش عليه شوية سكر محور. طيبو 7 دق. دوب ما تخرجو تلفو في السكر المحور بش يلصق فيه....

غريبة حمص
المقادير
1 كغ حمص مرحي
500 غرام فارينة
400 سكر ارطب حسب الذوقة
400 غ زبدة
كاس زيت (يمكن الزيادة اذا لزم الامر)
1 قرصة ملح
التحضير
أولا، تذوب الزبدة في قدر على نار هادئة ونخرج رغوة اللبن على السطح بملعقة
في وعاء كبير يخلط مسحوق السكر والزبدة المذابة وتضاف الفارينة المخلوطة مع الحمص و نخلط جيدا باليد ثم نضيف الزيت تدريجيا يتم عجنه جيدا ثم يتم رحيها في الة رحي اللحم
نشكل العجينة علىالشكل الي في الصوره
تقطع و توضع على صينية مدهونة بالزيت.
توضع في فرن محمى على حرارة 140 درجة مع المراقبة من وقت لآخر
بعد ما تبرد ترصف في الطبق و تقدم مع الشاي...

المقروض الابيض في الفرن
1كغ فرينة و 1كغ سميد جويد غربلهم وعليهم 4 خميرة قاتو وشوية ملح وشوش ورد وقرفة
تذوب 200 غ زبدة وكيف تبرد صب عليها كاس زيت نباتي وتخلط الخليط
وبعد كمل العجن بماء الورد
تاخذ تمر مرحي وبعد فوحو بالقرفة وشوش الورد واصنع المقروض عادي
طيبو في الفرن عل 180° و ماتخليهش يحمار
بالنسبه للشحور
.الشحور رطل سكر عليه كاس ماء كبير تحطو يغلي وقت يعمل فقاقيع تعصر 1/2 كعبة قارص...

روسات المقروض العادي
تاخذ كيلة فارينه عليها نص كيلة سميد ارطب و كيلة و نصف سميد متوسط و تبسسهم بالزيت بارد و كان تحب تخلط شويه سمن موش بارشا و زيت و كيف تشوف لعجينة بدات تشد روحها بين يدك و تنجم تكعبرها راهي تبسست ..بعد تاخذ ماء دافي موش سخون بارشا مكانش يبيسلك و تحط فيه شويه ملح و تخلط لعجينة حتى الي تتماسك ..وقتها تكون محضرة تمر مفوح بشوية قرفة و شوية جلجلان و الا لوز مهرس و تخدم المقروض متاعك و تقليه ...بالنسبه للشحور تعمل زوز كيلات سكر عليهم كيلة ماء و كعبة قارص و في الاخر زيدو عطرشية...

روسات المقروض الابيض
3 كيلات فارينه كيله زبده فاني و نلمو العجينه بماء زهر وشويه ماء
تمر نفوحوه بشويه زيت زبده جلجلان عود قرنفل قرفه شواشي ورد و نخلطوه و نخدمو المقروض كيما العادي و نزينوه بالمنقاش متاع الحلو و نطيبوه في الفور و بعد نشحروه .الشحور رطل سكر عليه كاس ماء كبير تحطو يغلي وقت يعمل فقاقيع تعصر 1/2 كعبة قارص